អាពាហ៍ពិពាហ៍ និងរបៀបរៀបចំតាមប្រពៃណីខ្មែរ
អាពាហ៍ពិពាហ៍ គឺជាការនាំកូនស្រីទៅរៀបមង្គលការនៅផ្ទះខាងកូនប្រុស ហើយនាំកូនប្រុសទៅរៀបមង្គលការនៅផ្ទះខាងកូនស្រី ។ ប៉ុន្តែ ដោយសារទំនៀមទំលាប់ប្រពៃណីខ្មែរបានអោយតំលៃខ្ពស់ទៅលើកូនស្រី ដូចនេះហើយ អាពាហ៍ពិពាហ៍ មានន័យថា ការនាំកូនប្រុសទៅរៀបមង្គលការនៅផ្ទះខាងកូនស្រី ។
តាមប្រពៃណីខ្មែរ ការរៀបចំអាពាហ៍ពិពាហ៍ មានរៀបចំតាមលំនាំដូចខាងក្រោម៖
មុនពេលរៀបការ
- ពិធីចែចូវ : ៣លើក (ជើងទី១-២ ត្រូវជ្រើសរើសស្រ្តីម្នាក់, ទី៣ ត្រូវការស្រ្តី ៣នាក់)
- ពីធីស្តីដណ្តឹង
- ពិធីជូនពេលា
ពេលរៀបការ
ថ្ងៃទី ១៖ ថ្ងៃចូលរោង
- សង់រោងការ (កូនប្រុសជាអ្នកធ្វើ)
- វេចនំអន្សម នំគម (កូនស្រីជាអ្នកធ្វើ)
ថ្ងៃទី ២៖ ស៊ីកំណត់
- ហែរកូនកំលោះមកផ្ទះកូនក្រមុំ
- ពិធីសែនព្រេនជីដូនជីតា
- ហូបអាហារ
- ពិធីកាត់សក់
- សែនក្រុងពាលី
- ពិធីសូត្រមន្ត
- ពិធីរៀបរៀងផ្លែឈើ (ជ្រើសរើសក្មេងស្រី៤, ក្មេងប្រុស៤)
- ពិធីបុកល័ក្ត ធ្វើធ្មេញ
ថ្ងៃទី ៣ : សំពះផ្ទឹម (ចេញយកពាលា, ហែរកូនកំលោះទៅលើផ្ទះកូនស្រី)
- សំពះផ្ទឹម
- ពិធីបង្វិលពពិល
- ពិធីចងដៃ
- ពិធីបាចផ្កាស្លា
- ពិធីតោងស្បៃកូនក្រមុំ
- ពិធីសារកន្ទេល
- ពិធីលាងអាហារ
- ពិធីផ្សំដំណេក
ក្រោយពេលរៀបការ
- រៀបចង្ហាន់ និងយកផ្កាស្លាច្បងទៅវត្ត
- ទៅសួរសុខទុក្ខញាតិ សណ្តាន សួរសុខទុក្ខញាតិមិត្ត
- ចុះអាត្រានុកុលដ្ឋាន (សំបុត្រអាពាហ៍ពិពាហ៍) ។
នេះពិធីស្អាងផ្កាស្លា នៅផ្ទះខាងកូនស្រី
